Ĉu oni rajtas montri tion? Oni devas, ĉar tia brutaleco eblas
nur en milito! Oni ne povas havi samtempe humanecon kaj
militojn!
B.Traven pri la milito
(pri esperantigitaj romanoj, rakontoj ktp. bonvolu legi en http://www.cezarpoezio.de kaj en: http://www.karapaco.de)
En milito tiu homo estas la plej kuraĝa, kiu pruvas, ke li havas plej malmulte da interna kulturo, kies spirito montras la plej malgrandan sentemon. El: B. Traven: Registaro (romano)
Estas malbonaj generaloj, kiuj zorgas pri la mortigitaj soldatoj. El: B.Traven: La blanka rozo (romano)
Estas ĉiam la katpieduloj, kiuj transvivas la militon, la efektivaj kuraĝuloj restas ekstere sur la batalkampoj, por la gloro de tiuj, kiuj marŝas hejmen tra la triumfarkoj. El: B.Traven: La banditodoktoro (rakonto)
Oni ne povas havi militon kaj liberon samtempe. El: B.Traven: Mahagono (romano)
La militservo de civilizitaj ŝtatoj – jen moderna sklaveco! El B. Traven: La marŝo en la regnon de l' mahagono (romano)
Agrarekonomio malpermesas militeman spirtiton. El B. Traven: Registaro (romano)
Bonaj batalantoj ne retroiras. El B. Traven: La marŝo en la regnon de l' mahagono (romano)
En malgajnitaj militoj ĉiam la soldatoj kulpas la perdon, kaj se la milito estas gajnita oni devas danki tion al la generaloj. El: B. Traven: Diplomatoj (rakonto)
La milito, kiu estas kondukata plej brutale, estas la plej humana. El: B.Traven: La blanka rozo. (romano)
Ne povas esti kondukata milito sen tio, ke oni sklavigas homojn, ke oni uniformigas ilin kaj senhonorigas ilin ĝis la plej malsupra ŝtupo de silentaj, nerezistkapablaj objektoj sub idiotaj kaj brutalaj ĉefoj. El: B.Traven: Mahagono (romano)